Бүгін Парламент Сенатының төрағасы, Әлемдік және дәстүрлі дін лидерлері съезі хатшылығының басшысы Қасым-Жомарт Тоқаев кезекті, Астана қаласында, Бейбітшілік және келісім сарайында өтіп жатқан форум хатшылығының тоғызыншы отырысы шегінде Франция Митрополиті Эммануилмен кездесу өткізді.

Кездесу барысында Президент Нұрсұлтан Назарбаевтың конфессияаралық келісім мен өркениеттер арасында келіссөзді қалыптастыру және нығайту бойынша бастамасын әрі қарай дамыту мәселелері талқыланды.

Бүгін Астанада, Бейбітшілік және келісім сарайында Парламент Сенатының спикері, Әлемдік және дәстүрлі діндер лидерлері Съезі Хатшылығының басшысы Қасым-Жомарт Тоқаевтың төрағалық етуімен Съез Хатшылығының кезекті отырысы ашылды.

Форум жұмысын аша отырып, Қасым-Жомарт Тоқаев делегация басшыларына Әлемдік және дәстүрлі діндер лидерлері Съезінің жұмысына тұрақты және белсене қатысулары үшін ризашылық білдірді.

Спикердің пікірі бойынша, жер бетінде сенімді бейбітшіліктің орнауы, діндер үнқатысуы (диалогы) жолының ашылуы үшін діни төзімділікті ілгерілету, конструктивті үнқатысу (диалог) пен өзара сенімді дамыту қажет.

«Діннің негізі бұрмаланбай, дін туралы ғылым саясат пен идеологияның құралына айналмауы тиіс», - деді спикер.

Съезд барысында делегаттар мен қонақтар дін лидерлерінің толеранттылыққа, өзара құрмет пен ынтымақтастыққа негізделген әлемді құрудағы рөліне қатысты мәселелерді талқылады. Секциялық мәжілістерде Съезге қатысушылар «Моральдық және рухани құндылықтар, әлемдік этика», «Үнқатысу және ынтымақтастық», «Дағдарыс кезеңіндегі ықпалдастық» тақырыптары бойынша жұмыс істеді.

Барлық Съезге қатысушылар Қазақстанға және Елбасына әртүрлі діндер мен өркениеттердің жолын ұстанушылар арасында диалог орнатудағы күш-жігері үшін ризашылықтарын білдірді.

Бүгін Парламент Сенатының Төрағасы, Әлем және дәстүрлі діндер лидерлері Съезі Хатшылығының басшысы Қасым-Жомарт Тоқаев Астанада өтіп жатқан үшінші дінаралық жиын аясында Съезге қатысып жатқан делегациялар басшыларымен, түрлі конфессиялар мен халықаралық ұйымдардың өкілдерімен бірқатар екіжақты кездесулер өткізді.

Кездесу барысында өркениеттер үнқатысуын елдер ынтымақтастығының өзара түсіністігін жаңа сапалық тұрғыдағы сатыға көтерген жиын өткізудің зор ерекшелігі мен жоғары деңгейі аталып өтілді. Съезге қатысушылар мен меймандар Президент Нұрсұлтан Назарбаевтың бастамасымен жүзеге асқан және дәстүрге айналған осы копконфессиялық институт халықаралық тұрғыда кеңінен танылғанын, дінаралық үнқатысуды дамыту жөніндегі әлемдік қоғамдастықтың күш-жігерінде лайықты орын алатынын және жер жүзіндегі бейбітшілік пен тұрақтылықты сақтаудағы Қазақстанның маңызды үлесі болып табылады.