Раввин Артур Шнайер

1930 жылы 20 наурызда Австрияда Вена қаласында туылды.

Адамның діни еркіндігі мен құқығын алға жылжытуда лидер деген халықаралық атаққа ие раввин Шнайер «Ұят дауысы» қорының негізін қалаушы және президенті, сондай-ақ Нью-Йорктің тарихи көрнекі орны «Ист парк Синагог» рухани лидері болып табылады.

2002 жылы АҚШ Мемлекеттік хатшысы К. Пауэлл оның барлық өмірін «адам құқығы мен діни еркіндігіне, төзімділік пен бейбітшілікке, бүкіл әлемде этникалық қақтығыстарды шешуге арнағаны» үшін «Мемлекеттік департаменттің ерекше тану сыйлығымен» марапаттады.

2001 жылы ол осы саладағы жетістіктері үшін «Президенттік адамзат медалін» алды, осы жылы «діни еркіндікті алға жылжытуда 20 жыл ерекше ынтымақтастығы үшін»Мемлекеттік департаменттің тануын алды.

1988 жылы БҰҰ жанында АҚШ балама өкілі, 1991-1995 жылдары Шетелде Американдық мұраны сақтау жөніндегі АҚШ комиссиясының төрағасы болды.

Кеңес үкіметінен кейін 58 конфессионалдық аралық делегацияны басқарды, Ресейдің шақыруымен парламент сайлауына халықаралық бақылаушылар ретінде «Ұят дауысы» қоры мүшелерінің делегациясын басқарды. 1996 жылы маусым айында РФ президент сайлауында халықаралық бақылаушылар делегациясын, сондай-ақ осындай делегацияны 1999 жылы Думаны сайлауда басқарды. Балқан елдерінде, Түркияда (1994 жылы Бейбітшілік және төзімділік конференциясы) бірқатар халықаралық конференциялардың бастамашысы болып ұйымдастырды, сондай-ақ Мәскеуде өткен (2004 жыл наурыз) Дінаралық бейбітшілік конференциясына қатысты.

Сыртқы саясат кеңесінің, Азия қоғамдастығының және т.б. мүше. Йешива Университетінің теология докторы деңгейіне ие.

Элизабет Нордманн Шнайердің жұбайы болып табылады.